Coidar a Terra
13Ferrados
O noso compromiso coa natureza
En 13ferrados cremos que coidar a nosa contorna é parte do noso proxecto vital. Cada acción busca reducir a nosa pegada ambiental e protexer os bosques, prados e ríos que nos rodean.
O noso compromiso ecolóxico
A nosa produción fornécese integramente da enerxía solar, que alimenta non só ás ferramentas eléctricas, senón tamén as instalacións, provisión de auga e todo o preciso para o traballo da madeira. Empregamos a madeira de árbores maiores, caídas ou secas e das podas naturais, permitindo que as máis novas medren para asegurar a sostibilidade natural do territorio. As nosas embalaxes son reutilizadas e fomentamos que cada peza reduza ao máximo o seu impacto ecolóxico durante o envío. Só traballamos cando non chove, porque o facemos ao aire libre.
Trazabilidade e materiais
Os materiais das nosas pezas son sostibles e trazables. Na descrición de cada traballo explicamos a súa procedencia e tratamento. A meirande parte da madeira é Km.0 e tamén engadimos madeiras recicladas de construcións abandoadas, palets desbotados ou mobles antigos.
A estrela da nosa primeira colección é a gran castiñeira central, derrubada en 2021 tras secarse. Cada peza entrégase acompañada dun certificado de trazabilidade e, baixo demanda o cálculo da se pegada de carbono xerada na elaboración (neutra9 e mais o envío.
Pegada ambiental e de carbono
A pegada directa das nosas pezas é neutra: a enerxía usada provén do sol, polo que non se emite CO₂ durante o proceso de elaboración. As emisións indirectas —materiais funxibles, carburante dos vehículos, remota e colateral dos dispositivos electrónicos, tala puntual ou transporte de ferramentas— compensámolas traballando na primavera e no verán dentro do bosque, optimizando recursos e reutilizando materiais.
