A mesa MÁMOA elaborouse con madeira da nosa castiñeira, axudada unicamente por varas de ferralla de obra, das que se usan para os encofrados, reutilizadas.
O deseño evoca os característicos e fermosos túmulos neolíticos que en Galicia se chaman mámoas.
O tamaño faina ideal para mesa de centro, mesa auxiliar ou soporte de elementos artísticos ou decorativos.
Medidas
Alto 380 mm
Diámetro máximo 530 mm
Grosor táboa 450 mm
Peso
13,5 kg (sen embalaxe)
Capacidade de carga
80 kg
Material principal
Castiñeiro macizo
Outros materiais
Ferralla (ferro corrugado) reutilizada
Tratamento da madeira
Descortizada e pulida ata chegar a un gran 320, tras recibir seis pasadas de auga para eliminar todo o repelo e protexida con lasur incoloro á auga para protección e mantemento da cor orixinal, resaltando a veta da madeira de castiñeiro.
Cor
Madeira de castiñeiro natural. Varía segundo a consistencia, sendo máis escura nos bordes ou nas áreas onde os taninos protexeron á árbore cando vivía. As cores da madeira poden variar nas fotografías e á vista, dependendo da luz á que se expoñan. Co paso do tempo a madeira pode escurecer lixeiramente, en especial se está exposta á luz solar directa.
A ferralla mantén a súa cor orixinal e mais as marcas de óxido, o cal foi tratado para que se estanque e non desprenda po, tinxa a madeira ou se deteriore.
Consellos de instalación
A mesa MÁMOA entrégase montada. Só hai que colocala no lugar escollido.
Limpeza e mantemento
Limpar, tanto a madeira coma o ferro, unicamente cun pano limpo lixeiramente humedecido para retirar po ou graxa e deixar secar antes de volver colocar elementos sobre a peza.
Non pousar sobre a madeira obxectos mollados ou que a poidan tinxir.
En 13Ferrados unimos tradición e creatividade para dar vida a produtos auténticos, inspirados en Galicia e elaborados con compromiso, paixón e convicción.
