O colgadoiro NAO xurdiu do fragmento que se desprendeu, durante o tempo de secado, dun taboleiro de 250cm da nosa castiñeira debido a unha fenda que probablemente provocou o raio.
De formas onduladas e gran movemento, inspirou este colgadoiro de case dous metros de longo, ideal para un recibidor amplo se é colocado en horizontal, mais tamén para aproveitar e vestir espazos exiguos se é situado en vertical.
As perchas son de madeira de buxo, procedentes dunha pola que nos acompaña desde hai máis de dúas décadas, cando a recollemos nun bosque preto de Santiago de Compostela.
Medidas
Alto 240 mm
Longo 1875 mm
Grosor táboa 40 mm
Fondo 130 mm
Peso
9,4 kg (sen embalaxe)
Capacidade de carga
3 kg por percha
Material principal
Castiñeiro macizo
Outros materiais
Madeira de buxo para as perchas
Parafusos
Tratamento da madeira
Descortizada e pulida ata chegar a un gran 320, tras recibir seis pasadas de auga para eliminar todo o repelo e protexida con lasur incoloro á auga para protección e mantemento da cor orixinal, resaltando a veta da madeira de castiñeiro.
As perchas de buxo tamén foron lixeiramente pulidas e tratadas con lasur.
Cor
Madeira de castiñeiro natural. Varía segundo a consistencia, sendo máis escura nos bordes ou nas áreas onde os taninos protexeron á árbore cando vivía.
As cores da madeira poden variar nas fotografías e á vista, dependendo da luz á que se expoñan.
Co paso do tempo a madeira irá adquirindo unha pátina máis escura.
Se é situada nun lugar onde fique exposta á luz solar directa, escurecerá máis.
Consellos de instalación
A forma do colgadoiro NAO engana á vista. Por iso conta con dous orificios na parte posterior que, ademais de servir para encaixar o soporte de fixación elixido, axudan para conseguir unha colocación a nivel. É importante que os soportes que se fixen na parede si estean a nivel con respecto ao chan da estancia.
Limpeza e mantemento
Limpar, tanto a madeira coma o metal, unicamente cun plumeiro ou cun pano limpo lixeiramente humedecido para retirar po ou graxa e deixar secar antes de volver pendurar elementos da peza.
En 13Ferrados unimos tradición e creatividade para dar vida a produtos auténticos, inspirados en Galicia e elaborados con compromiso, paixón e convicción.
